புத்தாண்டு புதுப்பொங்கல் என்ப தெல்லாம்
புத்தெழுச்சி பொதுமகிழ்வு பெறுதற் கென்றே
வித்திட்டு வளப்போமேல் வேண்டும் வேண்டும்
வேடிக்கை கேளிக்கை வேண்டாம் வேண்டாம்.
வாழ்த்திடவும் மகிழ்ந்திடவும் வரும்நாள் என்றால்
வளர்ந்திடுவோம் மலர்ந்திடுவோம் வாழ்வும் பொங்கும்
வீழ்த்திடும்பல் வெடியென்றால் வேண்டாம் வேண்டாம்
மேதினிக்கு நலமென்றால் வேண்டும் வேண்டும்.
நல்லாரும் வல்லாரும் நாடிக் கூடும்
நன்னாளாய் அந்நாள்கள் நடக்க வேண்டும்
இல்லார்க்கும் செல்வர்க்கும் இனிக்கும் நாளாய்
இருக்குமெனில் கொண்டாட்டம் வேண்டும் வேண்டும்.
பொதுவன் அடிகள்
கருத்துகள் இல்லை:
கருத்துரையிடுக